طريقة الخبز البوري الهندي 4197.gif


الخبز البورى

العيش
البوري هو عيش هندي معروف

و في بيتعمل بالبهارات و فيه من غير أي بهارات يادوب ملح بس



طريقة الخبز البوري الهندي 511.jpg


المقادير::

-1 و 1/2 كوب دقيق
-1 و 1/2 ملعقة صغيرة بيكنج باودر
(شييف اسامة ما استخدمهوش في وصفته بس انا لقيته بيهبط لما يخرج من الزيت و انا عايزاه يفضل منتفخ فترة اطول)
-كوب لبن رايب
(مش هنستخدمها كلها)
علي فكرة معظم طرق البوري بيستخدموا ماية مش لبن رايب
بس انا بحترم أي وصفة فيها لبن او مشتقاته علشان القيمة الغذائية و صدقوني بتفرق في الطعم كتييير
-نصف ملعقة صغيرة حبة البركة
-نصف ملعقة صغيرة كمون ممكن حصي و ممكن مطحون
(علي حسب الرغبة)
رشة ملح
-وزيت غزير للتحمير

الطريقة::
-بنحط المقادير كلها علي بعض و نحط شوية من اللبن الرايب و نعجن كويس اوي و نزود لحد ما يكون عندنا عجينة ناعمة و طرية
و نسيب العجين يستريح 10 دقائق(مش اكتر)
- بعدين نقسم العجين لكور صغيرة في حدود انش للكورة

طريقة الخبز البوري الهندي 512.jpg

و نفرد الكور ديه بالنشابة لسمك 2 مللي تقريبا علي شكل قرص او أي شكل تاني تحبيه


طريقة الخبز البوري الهندي 513.jpg

(رفيعة يعني بس مش اوي)
انا ساعات بعمله رفيع و ساعات بحب اتخنه شوي

و بعدين نحمرها في طاسة فيها زيت غزير


طريقة الخبز البوري الهندي 514.jpg

كل رغيف لوحده
ولما تطفو على الزيت نحط من الزيت السخن علييها من فوق علشان تعلى من الجنب التاني

و هو هينتفخ لوحده و يكون بالشكل ده


طريقة الخبز البوري الهندي 515.jpg
و بمجرد ما يخرج من الزيت نحطه علي ورق ماص علشان الزيت

و في اقتراح صغير

بمجرد ما يطلع من الزيت نحط عليه رشة دقة
طبعا كلنا عارفين الدقة
ملح و فلفل و كمون و شطة
و ممكن زعتر لبناني يغني عن الدقة
او دقة المدينة



طريقة الخبز البوري الهندي 3.gif




'vdrm ulg hgof. hgf,vd hgik]d